Contoh Carpon sunda

KEAN SANTANG

            Di wewengkon Garut aya hiji lembur, ngaranna Suci. di dinya cenah aya pataliasan kean santang. Raja Pajajaran, Prabu Siliwangi, kagungan putra pameget, jenenganna Kean Santang. Kean Santang ti alit dilatih kana kagagahan. Barang parantos sawawa, anjeunn ngemut. Ceuk anjeunna “Aing ayeuna geus tamat diajar rupa-rupa elmu. Elmu kagagahan oge geus kacekel kabeh , aing hanteu teurak ku pakarang. Nepi ka ayeuna aing mah acan kungsi nenjo getih aing. Tapi naha enya ari diajar elmu aya tamatna? Naha enya aing teh panggagahna? Ah, aing panasaran. Aing rek ngalalana, rek nyiar elmu. Sugan bae aya keneh elmu anu aing teu acan nyaho.”.

          Terus bae Kean Santang ngalana anu ahirna nepi ka Mekah. Di dinya anjeuna ngadangu cenah anu luhur elmuna jeung panggagahna teh Bagenda Ali. Anjeuna langsung neupungan Bagenda Ali. Ari keur angkat, Kean Santang tepang jeung hiji sepuh. Ku eta sepuh dipariksa ka mana tujuanana . Kean Santang ngawaler, “Abi teh bade nepangan Bagenda Ali. Maksudna bade ngadu kagagahan.”,”Euh ari kitu mah hayu atuh dijajapkeun ku Mama,” saur sepuh teh. Tuluy bae eta Kean Santang ngiring ka eta Sepuh. Barang geus angkat sajongjongan,”Aeh iteuk Mama katinggaleun. Teuh geuning nanceb! Punten, Pangnyandakeun.”

          Gewat bae Kean Santang mulih deui maksudna nyandak iteuk eta Sepuh. Tuluy dicabut ditanagaan, tapi iteuk  na teh beut teu uget-uget acan. Kean Santang dudugingan nyabut iteuk, nepi ka rey kaluar kesang badag jeung kesang lembut. Sepuh teh nyaketan, pok sasuran ,”Naha lami-lami teuing?”, “Aduh Mama, Abdi teu tiasa nyabut ieu iteuk,” waler Kean Santang ngahegak.

          Kean Santang ngaraos saliranan kokoprot ku kesang. Barang disidik-sidik, mana horeg salirana teu rembes ku getih. Anjeuna pohara kageteunana. Anjeuna kaget ningal getih soranganna. Geuning getih teh beureum kawas getih nu sejen. “Pajar palay ngadu kagagahan sareng Bagenda Ali. Geuning nyabut iteukna oge henteu kaduga!” saur sepuh teh. Naha ari horeng eta teh Bagenda Ali (Sayidina Ali) tea. Kean Santang nyuuh kana sampean Sayidina Ali. Tetela jalma mah taya nu sakti. Loba keneh elmu nu kudu diulik. Tuluy bae Kean Santang lebet Islam, sarta ngulik rupi-rupi elmu agama di Mekah. Sanggeus ngarasa cukup ngulik elmu agama, Kean Santang mulih deui ka Pajajaran. Anjeunna nyebarkeun agama Islam di Lemah Cai.